María Novelle imparte a charla "Normas e Límites"

Esta tarde, a do mércores 9 de novembro de 2022, tivo lugar a charla prevista que foi impartida por María Novelle sobre "Normas e Límites". Participaron moitos pais e nais nesta charla que tivo lugar de forma online a través de Meet. Algo bo que teñen as novas tecnoloxías, entre outras cousas, é que permiten que celebremos un foro coma este dende a comodidade dos nosos fogares. 



A charla foi  moi interesante e puidemos aprender a necesidade de poñer límites aos cativos da casa. É importante que, dende pequenos, lles ensinemos unhas normas que fagan máis doada a convivencia. Tamén falou María da negociación cos nosos fillos e fillas, e da importancia da comunicación.

Á volta das vacacións de Nadal teremos outra charla da Escola de Pais que agardamos volva a ser tan interesante.





















Charla Normas e Límites

O vindeiro mércores 9 de novembro, de 3,15 a 16,30, terá lugar unha nova charla da nosa Escola de Pais. Esta charla será online e terá como título: "Normas e límites". Será impartida por María Novelle (pedagoga), e está especialmente indicada a nais e pais de Ed. Infantil e Primaria.

Gustaríanos moito contar convosco.

"Todos os nenos necesitan pautas, normas, límites. É un erro non poñerllos, como é un erro pensar que vaia, que isto non é para tanto, e ceder para evitar males maiores. Isto é algo que vemos en moitos pais. Temos como ese mecanismo de defensa de dicir: «Bo, imos ceder». Non cedamos, non cedamos para evitar males maiores porque ás veces cometemos grandes erros. E tampouco fagamos que os fillos que se portan ben cedan en función dos seus irmáns. Non sacrifiquemos a uns porque case sempre sacrificas ao que mellor se porta, en función do outro que é o que ten maiores dificultades, o cal é unha gran inxustiza".

María Jesús Álava Reyes (máster en Psicoloxía Pedagóxica e Especialista en Psicodiagnóstico)




Adolescentes tecnoloxicamente sans

 Onte, mércores 16 de marzo, tivemos a charla sobre uso e abuso da tecnoloxía impartida por Cecilia Cardero (psicóloga). Foi unha charla moi amena e didáctica onde puidemos aprender a importancia de controlar os tempos que os nosos fillos pasan coa tablet ou co movil. Internet pode ser unha gran ferramenta pero cómpre que aprendan a usala coa nosa axuda.









Charla "Adolescentes tecnoloxicamente sans"

O vindeiro mércores 16 de marzo teremos unha nova charla na nosa Escola de Pais. Cecilia Cardero falaranos dos perigos das novas tecnoloxías para os nosos fillos e como poñer límites ao seu uso para evitalos.

Será unha charla online á que todos/as estades convidados. 




Charla Resolución de conflitos

Esta tarde, a do martes 30 de novembro de 2021, tivo lugar a charla prevista impartida por Marta Lloves sobre "Resolución de conflitos". Participaron moitos pais e nais, a pesar de que as circunstancias impediron que a charla fose presencial. Algo bo que teñen as novas tecnoloxías, entre outras cousas, é que permiten que celebremos un foro coma este dende a comodidade dos nosos fogares. A charla foi  interesante e puidemos aprender, entre outras cousas, que a resolución de conflitos comeza cando lle dicimos "non" aos nosos fillos. É importante que, dende pequenos, lles ensinemos uns límites e unhas normas que fagan máis doada a convivencia. Tamén falou Marta da negociación cos nosos fillos e fillas, e da importancia da comunicación.

Á volta das vacacións de Nadal termos outra charla da Escola de Pais que seguro que será tan amena como foi esta.






Nova charla na Escola de Pais

 Un ano máis, a Escola de Pais do colexio Divino Salvador programa algunhas charlas para seguir aprendendo na educación dos nosos fillos e fillas. Hoxe, 30 de novembro, de 15 a 16,30 horas, Marta Lloves falará de resolución de conflitos dentro do fogar.

Estades convidados a participar.




A fórmula Stop para manexar as rabietas

 Míriam Tirado

Coa maternidad recentemente estreada e a premisa simple de que pais e nais queren o mellor para os seus fillos, Míriam Tirado comezou a escribir un blog sobre maternidade, paternidade e crianza. Desde isto pasou unha década. Hoxe, a bitácora conta con máis de mil entradas e ela converteuse nun referente da crianza consciente e respectuosa en España.

Licenciada en Xornalismo pola Universidade Autónoma de Barcelona e tras case tres lustros como redactora de informativos radiofónicos, Míriam Tirado decidiu cambiar de rumbo. Formouse como “Conscious Parenting Coach” coa psicóloga Shefali Tsabary, e apostou pola divulgación educativa, cuestionando o modelo tradicional de crianza. “Hai outra forma de criar aos fillos desde a conexión, a consciencia e o respecto”, asegura Tirado. A tamén escritora, é autora de contos infantís de xestión das emocións como os supervendas “Tengo un volcán” ou “El hilo invisible”. Ademais, escribiu varios libros dirixidos a pais e nais – “Rabietas” ou “Maternidad a flor de piel” - e acaba de publicar a súa primeira obra de ficción para adultos: “Removidas”

Desde o humor e o sentido común, Míriam Tirado fala de asertividade, emocións, comunicación ou límites. No seu traballo, pon o foco na consciencia dos proxenitores e non no comportamento dos fillos. “Educar de xeito consciente é un acto revolucionario”, asegura. Para o cambio de paradigma, Tirado ofrece pautas e consellos de gran utilidade, pero advirte: “criar de xeito respectuosa require de esforzo e grandes doses de paciencia”.

Estes vídeos pertencen á colección da Fundación BBVA en colaboración co xornal ElPaís.

Para velos, simplemente preme na imaxe:



A charla completa:





Charla Normas e Límites

Esta tarde, a do xoves 25 de febreiro de 2021, tivo lugar a charla prevista impartida por Marta Lloves sobre "normas e límites". Foi un éxito de asistencia a pesar de que as circunstancias impediron que a charla fose presencial. Algo bo que teñen as novas tecnoloxías, entre outras cousas, é que permiten que celebremos un foro coma este dende a comodidade dos nosos fogares. A charla foi sumamente interesante e puidemos aprender un montón de cousas.

Agardamos que en breve poidamos ofrecer outra charla da Escola de Pais que sexa, como mínimo, tan amena.















"Normas e Límites": nova charla da Escola de Pais

O vindeiro xoves día 25 de febreiro, de 17:00 a 18:30 horas, terá lugar unha nova charla telemática do noso centro. O tema é "Normas e Límites", e será impartida por Marta Lloves.

 A esta charla están convidados todos os pais e nais de alumnos/as de Infantil e Primaria.

"Aos nenos hai que poñerlles límites. A nosa sociedade ten normas para facilitar a integración social e aos nenos hai que explicarlles as consecuencias dos actos. O que pasa é que moitas veces poñemos os castigos cando estamos enfadados, a modo de vinganza. Hai que facerlles ver que eu non me enfado. Os límites son fundamentais, pero establecelos de xeito tranquilo e sabendo que o neno vaina a montar logo, que non vai ir a agradecerche que lle poñas limites."

                                                                                                                                                     Carlos Pajuelo (psicólogo)




Damos demasiada importancia ás notas?

Licenciada en Psicología e Ciencias da educación, Sonia Díez é fundadora de varios centros educativos e autora do libro "Educacción". A súa obra é unha chamada urxente para mellorar a educación. Díez pide un cambio para mellorar o sistema educativo unindo a familias, mestres e institucións para traballar xuntos e lograr unha educación que responda ás esixencias e aos importantes cambios sociais que están vivindo as novas xeracións de estudantes: "O mundo está pedindo a gritos que exista un cambio de paradigma educativo, empecemos a vivir na incerteza asumindo que en algo nos equivocaremos, pero que merece a pena intentalo".

Damos demasiada importancia ás notas dos nosos fillos? Sonia Díez reclama unha avaliación que vaia moito máis alá dunha simple cualificación: "Cando dicimos quen somos non mostramos un "currículum mortis" que di todo o que fixemos, senón que presentamos un "currículum vitae" que di cal é o noso potencial, que somos capaces de facer".

Premendo na seguinte imaxe atoparedes un vídeo de BBVA en colaboración con ElPaís.